బాలీవుడ్ హీరోయిన్ దీపికా పదుకునే ఓ ఇంటర్వ్యూలో మహిళలపై లైంగిక వేధింపులపై మాట్లాడింది. తన సినీ కెరీర్‌ ప్రారంభించిన సమయంలో తనపై చాలామంది ఎన్నోరకాలుగా ఒత్తిడి తెచ్చారని చెప్పింది. బాలీవుడ్ దర్శకులు, నిర్మాతల దృష్టిలో పడేందుకు కొన్ని చేయకూడని పనులు చేయాలని కొందరు చాలా చెత్త సలహా ఇచ్చారని.. అయినప్పటికీ తాను మాత్రం ఆత్మవిశ్వాసాన్నే నమ్ముకున్నానని తెలిపింది.
మహిళలు తాము ఎదుర్కున్న వేధింపులను ''మీటూ'' వంటి వాటితో బయట పెడుతున్నారని, అటువంటివి హాలీవుడ్‌, బాలీవుడ్ పరిశ్రమల్లో గొప్ప మార్పులకు కారణమయ్యాయని తెలిపింది. ఈ అంశంపై సరైన దిశలో అడుగులు పడుతున్నాయని, మన దేశంలోనూ అదే జరుగుతుందని దీపికా పదుకునే వెల్లడించింది.
ఇదిలా ఉంటే.. బాలీవుడ్ స్టార్ అనుష్క శర్మ- టీమిండియా కెప్టెన్ కోహ్లీ ప్రేమ వివాహం చేసుకున్న సంగతి తెలిసిందే. ఇదే తరహాలో గత కొంతకాలంగా పీకల్లోతు ప్రేమలో మునిగిన బాలీవుడ్ సెలబ్రిటీల జంట దీపికా పదుకునే, రణ్‌వీర్ సింగ్ వివాహానికి రంగం సిద్ధమైంది. వీరిద్దరికి నవంబర్ 10వ తేదీన వివాహం జరుగనుందని ఫిలిమ్ నగర్ వర్గాల్లో వార్తలు చక్కర్లు కొడుతున్నాయి.
