బన్నీ హీరోగా చేస్తున్న సినిమా డీజే (దువ్వాడ జగన్నాథమ్). హరీష్ శంకర్ దర్శకత్వం వహిస్తున్న ఈ సినిమాలో డైలాగులు అదిరిపోతున్నాయి. పూజా హెగ్డే హీరోయిన్‌గా నటిస్తున్న ఈ సినిమా ట్రైలర్‌ను దిలిరాజు గ్రాండ్‌గా రిలీజ్ చేశారు. కేవలం కొద్ది గంటల ముందే ట్రైలర్‌ రిలీజ్ చేస్తున్నట్టుగా ప్రకటించినా.. రికార్డ్‌ వ్యూస్‌తో దూసుకుపోతోంది.
బ్రాహ్మణుడిగా బన్నీ చెప్పిన ఫన్నీ డైలాగ్‌లతో పాటు 'పబ్బుల్లో వాయించే డీజే కాదు.. పగిలిపోయేలా వాయించే డీజే..' 'మనం అనాల్సింది బుద్ధం శరణం గచ్ఛామీ కాదు సార్‌.. యుద్ధం శరణం గచ్ఛామీ' లాంటి డైలాగ్స్‌కు మంచి స్పందన వస్తోంది. ఈ ట్రైలర్‌ రిలీజ్ అయిన 12 గంటల్లోనే రెండున్నర మిలియన్లకు పైగా వ్యూస్‌ సాధించింది. ప్రస్తుతం షూటింగ్ చివరి దశలో ఉన్న ఈ సినిమా జూన్ 23వ తేదీన రిలీజ్ కానుంది.
