రిలీజ్ కుముందు నాడు ఒంటిగంట షో వేయడంతో తప్పిదం జరిగిందనీ, దానివల్ల కొంతమంది సోషల్ మీడియాలో గుంటూరు కారం గురించి చిలువలు పలువలు రాశారనీ అయినా అవన్నీ మాపై వున్న ప్రేమతోనే రాశారని భావిస్తున్నామని అన్నారు. శుక్రవారం సంస్థ కార్యాలయంలో ఆయన మాట్లాడుతూ, ముందునుంచి మహేష్ బాబు చాలా విజయంతో నమ్మకంతో వున్నారు. అలాగే సండే నుంచి కలెక్షన్లు బాగున్నాయి. అందుకే మేం మీడియా ముందుకు వచ్చాం. గుంటూరు కారం కలెక్షన్లు ఫేక్ కాదు నిజం అని గట్టిగా చెబుతున్నానని అన్నారు.
