24 కిస్సెస్ చిత్రం నవంబర్ 23న విడుదల కానుంది. ఆదిత్ అరుణ్, హెబ్బాపటేల్ నటిస్తున్న 24 కిస్సెస్ సినిమాను దర్శకుడు అయోధ్య కుమార్ తెరకెక్కిస్తున్నారు. ఇప్పటికే విడుదలైన ఈ సినిమా ట్రైలర్ సోషల్ మీడియాలో వైరల్ అవుతోంది.
బోల్డ్ కంటెంట్‌కు తోడు అద్భుతమైన కథతో ఈ చిత్రాన్ని ప్రేక్షకుల ముందుకు తీసుకొస్తున్నారు దర్శకుడు అయోధ్యకుమార్. సిల్లీమాంక్స్ ఎంటర్ టైన్మెంట్స్, రెస్పెక్ట్ క్రియేషన్స్ సంయుక్తంగా 24 కిస్సెస్ సినిమాను నిర్మిస్తున్నారు.
ఈ సినిమాలో రావు రమేష్, నరేష్ ఈ చిత్రంలో కీలకపాత్రల్లో నటిస్తున్నారు. ఇకపోతే... జోయ్ బరువా సంగీతం అందిస్తున్న ఈ చిత్రానికి వివేక్ ఫిలిప్ బ్యాగ్రౌండ్ స్కోర్ అందించారు. ఉదయ్ గుర్రాల సినిమాటోగ్రాఫర్‌గా పనిచేశారు.
