సినీ ఇండస్ట్రీలో ఇప్పుడిప్పుడే వారసురాళ్లు కూడా వచ్చేస్తున్నారు. ఇప్పటికే మెగా బ్రదర్ నాగబాబు కుమార్తె నిహారిక తెరంగేట్రం చేసింది. ఇప్పుడు అదే దారిలో జీవిత-రాజశేఖర్ కుమార్తెలు కూడా రంగంలోకి దిగబోతున్నారు. ఇందుకు సంబంధించిన వివరాలను రాజశేఖర్ నేరుగా చెప్పేశారు. తన కుమార్తె సినిమాల్లో నటిస్తానంటే వద్దని చెప్పేందుకు తనకు ఒక్క రీజన్ కూడా అగుపించడం లేదని చెప్పాడు.
అంతేకాదు.. సినిమా ఫీల్డులో హిపోక్రసీ ఎక్కువనీ, మనం అయితే వేరే అమ్మాయిల మీద చేయి వేయవచ్చు, కానీ మన విషయంలోకి వచ్చేసరికి ఏదోలా ఫీలవుతుంటారు. అలాంటివి నేను పట్టించుకోను. యాక్టింగ్ అన్న తర్వాత అవన్నీ తప్పదు కదా అని చెప్పుకొచ్చారు.
తన పెద్ద కుమార్తె శివాని సినిమాల్లో నటించాలని ఆసక్తిగా వున్నదని చెప్పినప్పుడు నేను కాదని చెప్పలేదనీ, ఐతే కేవలం సినిమా ఫీల్డును మాత్రమే నమ్ముకోవద్దనీ, సమాంతరంగా మరో పని చేస్తూ సినిమాల్లో కూడా నటించమని సలహా ఇచ్చినట్లు వివరించారు. తన రెండో కుమార్తె కూడా సినిమాల్లో చేయాలని అంటోందనీ, ఆమెకు కూడా నేను నో చెప్పనంటూ వివరించాడు రాజశేఖర్.
