జూనియర్ ఎన్టీఆర్ హీరోగా త్రివిక్రమ్ శ్రీనివాస్ కాంబినేషన్‌లో తెరకెక్కుతున్న చిత్రం "అరవింద సమేత వీరరాఘవ". ఈ చిత్రం రాయలసీమ బ్యాక్ డ్రాప్‌లో షూటింగ్ జరుపుకుంటోంది. దసరా కానుకగా అక్టోబరు 13వ తేదీన విడుదలకానుంది. సెప్టెంబ‌ర్ 20న చిత్ర ఆడియోని విడుద‌ల చేయాల‌ని మేక‌ర్స్ భావించారు. ఇక కొద్ది రోజులుగా చిత్రానికి సంబంధించి ఒక్కో లిరిక‌ల్ సాంగ్ విడుద‌ల చేస్తూ వ‌స్తున్నారు.
రాయలసీమ స్లాంగ్‌లో ఈ పాట ఉండ‌నున్న‌ట్టు తెలుస్తుంది. 'అరవింద సమేత' చిత్రంలో ఎన్టీఆర్ రెండు విభిన్న పాత్రలలో కనిపించనున్నాడని జోరుగా ప్రచారం జరుగుతుంది. ప్రథమార్ధంలో సిద్ధార్ధ్ గౌతమ్ పాత్రలో కనిపించనున్న ఎన్టీఆర్ ద్వితీయార్ధంలో వీర రాఘవగా కనిపించి అలరించనున్నాడట. ఎస్ఎస్ థ‌మ‌న్ చిత్రానికి సంగీత బాణీలు సమకూర్చుతున్నారు.
