ఇటీవల వివాహం చేసుకున్న టాలీవుడ్ అందాల నటి కాజల్ అగర్వాల్. అక్టోబరు 30వ తేదీన తన ప్రియుడు, యువ పారిశ్రామికవేత్త గౌతమ్ కిచ్లూను పెళ్లాడింది. ఆ తర్వాత హానీమూన్ కోసం మాల్దీవులకు వెళ్లింది. అక్కడ సముద్ర గర్భంలోని అందాల్లో ఆమె ఎంజాయ్ చేసింది. ఆ అందాల నడుమే ఆమె హనీమూన్‌ను జరుపుకుంది.
అలాగే, తన భర్తతో కలిసి మాల్దీవుల్లోని అందాలను ఆస్వాదించి, సముద్ర‌పు అందాల నడుమ భర్తతో కలిసి గడిపి, ఫొటోలు తీసుకుని ఆమె ఇన్‌స్టాగ్రామ్‌లో పోస్ట్ చేసిన ఫొటోలు ఇటీవల వైరల్ అయ్యాయి. అయితే, ఈ హనీమూన్ కోసం ఆమె భారీగానే ఖర్చు చేసిందంటూ ఎన్నో వార్తలు వచ్చాయి.
సాధారణంగా మాల్దీవుల్లోని ఓ హోటల్‌లో ఒక్క రాత్రి ఉండాలంటే రూ.38 లక్షలు ఖర్చు అవుతుంది. కాజల్ తన భర్తతో కలిసి 10 రోజులు ఉంది. అందుకోసం ఆమె దాదాపు రూ.5 కోట్ల వరకు ఖర్చు చేసిందని ఇటీవల వార్తలు వచ్చాయి. కానీ, ఇపుడు ఓ ఆసక్తికరమైన విషయం ఒకటి వెలుగులోకి వచ్చింది. ఈ హనీమూన్ కోసం ఆమె ఒక్క పైసా కూడా ఖర్చు చేయలేదని తేలింది. అంటే పైసా ఖర్చు లేకుండా హనీమూన్ ట్రిప్‌ను ఎంజాయ్ చేసినట్లు తెలిసింది.
