యువ హీరో నిఖిల్ తాజా చిత్రం "కిర్రాక్ పార్టీ". ఈ చిత్రం శుక్రవారం విడుదలైంది. ఈ చిత్రం టాక్ ఎలా ఉన్నప్పటికీ.. కలెక్షన్లపరంగా దుమ్మురేపుతోంది. శరణ్ కొప్పిశెట్టి దర్శకత్వం వహించిన ఈ చిత్రంలో సిమ్రాన్ పరీంజ.. సంయుక్త హెగ్డే కథానాయికలుగా నటించారు. యూత్‌ను దృష్టిలో పెట్టుకుని తెరకెక్కించిన ఈ సినిమా, ఊహించిన విధంగానే వాళ్లకి కనెక్ట్ అయ్యిందనే విషయాన్ని ఈ సినిమా తొలిరోజు వసూళ్లు స్పష్టం చేస్తున్నాయి. ఫలితంగానే ఈ చిత్రం మొదటిరోజున ఈ సినిమా ప్రపంచవ్యాప్తంగా 6.18 కోట్లను వసూలు చేసిందట.
ఈ చిత్రం తొలి రోజు కలెక్షన్లను ఏరియాల వారీగా పరిశీలిస్తే, నైజామ్‌లో రూ.1.39 కోట్లు, సీడెడ్‍లో రూ.78 లక్షలను, వైజాగ్‌లో రూ.62 లక్షలు, తూర్పు గోదావరిలో రూ.38 లక్షలు, పశ్చిమ గోదావరిలో రూ.28 లక్షలు, గుంటూరులో రూ.42 లక్షలు, నెల్లూరులో రూ.21 లక్షలను, కృష్ణాలో రూ.31 లక్షలను, యూఎస్‌లో రూ.1.02 కోట్లు, ఇతర ప్రాంతాల్లో రూ.59 లక్షలు రాబట్టింది.
