తాను నోరు విప్పితే అనేక కాపురాలు కూలిపోతాయని బళ్లారి బ్యూటీ, సినీ హీరోయిన్‌ మాధవీలత అంటున్నారు. పైగా, దర్శకుడు, నిర్మాతతో సన్నిహితంగా ఉండాలని, లేనిపక్షంలో ఇక కెరీర్ ముగిసినట్టేనని ఆమె సంచలన ఆరోపణలు చేసింది.
తాజాగా ఆమె ఇచ్చిన ఓ ఇంటర్వ్యూలో తెరవెనుక జరిగే అనేక విషయాలపై స్పందించింది. సినిమాల్లో అవకాశం ఇస్తామని, కాకపోతే క్లోజ్‌గా ఉండాలని దర్శకనిర్మాతలు షరతులు పెడతారని, వారి మాట ప్రకారం నడుచుకోకుంటే ఇక కెరీర్ ముగిసినట్టేనని తెలిపింది.
నిజానికి సినీ ఇండస్ట్రీలో ఉన్న అమ్మాయిలు నోరువిప్పి నిజాలు చెప్పడం మొదలుపెడితే చాలామంది కాపురాలు కూలిపోతాయంటూ వ్యాఖ్యానించింది. ప్రొడ్యూసర్‌కి క్లోజ్‌గా లేకపోతే ఎలా వేధిస్తారో కూడా వివరించింది. హోటల్ రూం మార్చడం, మేకప్ దారుణంగా ఉంటాయని తెలిపింది. అదేసమయంలో తాను పెళ్లి చేసుకోరాదని నిర్ణయించినట్టు తెలిపింది.
