మే 2న ట్రైల‌ర్ విడుద‌ల‌వుతుంది. కంటెన్యూగా రెండు పాట‌లు విడుద‌ల కాబోతున్నాయి. మెలోడీ సాంగ్, మాస్ సాంగ్ అందులో వున్నాయి. మే 12 విడుద‌ల వ‌రకు ర‌క‌ర‌కాల ప్ర‌మోష‌న్స్ చేస్తూనే వుంటాయి. మ్యూజిక్ సిట్టింగ్ సంద‌ర్భంగానూ పాట‌ల‌ను పాడే గాయ‌కుల విష‌యంలో హీరో మ‌హేష్‌కు మంచి ప‌రిజ్ఞానం వుంది. అందుకే ఇప్ప‌టికి ఆడియో బాగా రావ‌డానికి ఉప‌యోగ‌ప‌డింది. మ‌హేష్‌తో 6 ఏళ్ళ త‌ర్వాత చేస్తున్న సినిమా నాకు. ద‌ర్శ‌కుడు ప‌ర‌శురామ్‌తో ఆంజ‌నేయులు, శ్రీ‌ర‌స్తు శుభ‌మ‌స్తు చేశాను. స‌ర్కారివారి పాట మూడో సినిమా. ప్ర‌స్తుతం బ్యాక్‌గ్రౌండ్ మ్యూజిక్ స్కోర్ జ‌రుగుతోంది. అడ్వాన్స్ మిక్సింగ్ ప‌నులు జ‌రుగుతున్నాయి. ఇప్ప‌టికే పాట‌లు హిట్ కావ‌డంతో మాలో తెలీని ఉత్సాహం నింపారు మ‌హేష్‌బాబు. ఆయ‌న సినిమాకు ప‌నిచేయ‌డం సంతోషంగా వుంద‌ని తెలిపారు.
