టాలీవుడ్ ప్రిన్స్ మహేష్ బాబు, కైరా అద్వానీ జంటగా కొరటాల శివ దర్శకత్వంలో వచ్చిన చిత్రం "భరత్ అనే నేను". ఈ చిత్రం ఈనెల 20వ తేదీన విడుదలై కలెక్షన్ల వర్షం కురుస్తోంది. ఫిక్ష‌న్ నేప‌థ్యంలో తెర‌కెక్కిన ఈ చిత్రం బ్లాక్ బ‌స్ట‌ర్ విజ‌యం సాధించింది. త్వ‌ర‌లో విజ‌యోత్సవ వేడుకని కూడా గ్రాండ్‌గా జ‌ర‌ప‌నున్నారు.
చిత్రంలో మహేష్ డైన‌మిక్ సీఎంగా క‌నిపించగా, ఆయ‌న పాత్ర‌పై ప్ర‌శంస‌ల వర్షం కురుస్తుంది. సినిమా సెల‌బ్రిటీలే కాదు రాజ‌కీయ నాయ‌కులు కూడా చిత్రాన్ని ఆకాశానికి ఎత్తేస్తున్నారు. అయితే ఈ చిత్రంలో అసెంబ్లీ సెట్ సినిమాకి ప్ర‌త్యేక ఆక‌ర్ష‌ణ‌గా నిలిచిన సంగ‌తి తెలిసిందే.
అసెంబ్లీని త‌ల‌పించేలా వేసిన ఈ సెట్ ఎలా రూపొందించార‌నే విష‌యాన్ని మేకింగ్ వీడియో ద్వారా ద‌ర్శ‌కుడు కొరటాల శివ, ప్రొడ‌క్ష‌న్ డిజైన‌ర్‌ సురేష్ సెల్వ‌రాజ‌న్‌, న‌టుడు పోసాని కృష్ణ ముర‌ళి, నిర్మాత దాన‌య్యలు వివ‌రించారు. ఆ వీడియోను మీరూ తిలకించండి.
