ద‌ర్శ‌కుడు తేజ, రానా ద‌గ్గుబాటి సోద‌రుడు అభిరామ్ హీరోగా ప‌రిచ‌యం చేస్తూ రూపొందించిన సినిమా `అహింస`. యూత్ ఫుల్ లవ్, యాక్షన్ ఎంటర్‌టైనర్‌గా రూపొందుతోంది. ఇటీవ‌లే ఈ సినిమాకు సంబంధించి ఆర్పీ పట్నాయక్ ఓ అందమైన జానపద మెలోడి స్టయిల్ లో కంపోజ్ చేశారు. వినగానే మనసుని ఆకట్టుకునేలా వున్న పాటలో అభిరామ్, గీతికా ల కెమిస్ట్రీ చూడముచ్చటగా వుంది. కాల భైరవ, కీర్తన శ్రీనివాస్ ఈ పాటని లవ్లీగా ఆలపించారు. చంద్రబోస్ అందించిన సాహిత్యం ప్రధాన ఆకర్షణగా నిలిచింది.
