మంచు వారి తనయుడు మనోజ్ సోషల్ మీడియాలో యాక్టివ్‌గా ఉంటూ, సామాజిక అంశాలపై తన అభిప్రాయాలను పంచుకుంటుంటారు. ఇటీవల హైదరాబాద్‌లో ఇంటర్ చదువుతున్న విద్యార్థినిపై ఓ ప్రేమోన్మాది చేసిన దాడిపై సోషల్ మీడియాలో తన అభిప్రాయాలను షేర్ చేసాడు. సామాజిక బాధ్యతను గుర్తు చేస్తున్న ఆ వ్యాఖ్యలు ప్రస్తుతం అందరినీ ఆలోచింపజేస్తున్నాయి.
దీనిపై స్పందిస్తూ "మానవత్వం లేని మగాడు పుట్టడం దేనికి? మనిషి అనేవాడు ఒక ఆడపిల్ల మీద దాడి చేసే ముందు వాళ్ల ఇంట్లో ఉన్న ఆడవాళ్లను తలచుకుంటే ఇలాంటివి ఏనాడూ జరగవు... ఆడపిల్లల్ని రక్షించాల్సిన మగాడు ఆడపిల్లను అనుభవించే నరకానికి కారకుడు ఐతే ఇంక మనం పుట్టిన దానికి అర్థం దేనికి??" అంటూ విచారం వ్యక్తం చేసారు.
