టాలీవుడ్ యంగ్ టైగర్ జూనియర్ ఎన్టీఆర్‌కు మైనర్ సర్జరీ జరిగింది. ఇంట్లో వ్యాయామం చేస్తున్నప్పుడు ఎన్టీఆర్‌ కుడి చేతి వేలికి గాయం కావడంతో ఆయనకు వైద్యులు చిన్నపాటి సర్జరీ చేసినట్టు సమాచారం.
ప్రస్తుతం వైద్య సిబ్బంది సూచనలు తీసుకుంటున్నారని సమాచారం. అయితే, ఈ విషయం గురువారం నుంచి సోషల్‌ మీడియా వైరల్ అవుతోంది. కాగా ప్రస్తుతం 'ఆర్‌ఆర్‌ఆర్' మూవీ‌లో ఎన్టీఆర్‌ నటిస్తున్న సంగతి తెలిసిందే. ఈ సినిమాలో "కోమరం భీం" పాత్రలో నటిస్తున్నాడు ఎన్టీఆర్‌.
