హీరో సాయిధరమ్ తేజ్ నటిస్తోన్న పాన్ ఇండియా మిస్టీక్ థ్రిల్లర్ విరూపాక్ష. సంయుక్తమీనన్ కథానాయిక. కార్తీక్ దండు దర్శకత్వంలో ప్రముఖ నిర్మాణ సంస్థలు శ్రీ వెంకటేశ్వర సినీ చిత్ర , సుకుమార్ రైటింగ్స్ బ్యానర్స్‌పై బాపినీడు బి.సమర్పణలో ప్రముఖ నిర్మాత బీవీఎస్‌ఎన్ ప్రసాద్ ఈ చిత్రాన్ని నిర్మిస్తున్నారు. స్టార్ డైెరెక్టర్ సుకుమార్ ఈ చిత్రానికి స్క్రీన్ ప్లే అందించారు. తెలుగు, తమిళ, మలయాళ, కన్నడ, హిందీ భాషల్లో ఏప్రిల్ 21న ప్రపంచవ్యాప్తంగా ఈ మూవీ రిలీజ్ అవుతుంది. మంగళవారం ఈ సినిమా ట్రైల‌ర్ స్టార్ ప్రొడ్యూస‌ర్స్ అల్లు అరవింద్, దిల్ రాజు చేతుల మీదుగా విడుద‌లైంది.
ఈ సంద‌ర్భంగా దిల్ రాజు మాట్లాడుతూ ‘‘ప్రతి మనిసికి ఓ లైఫ్ జ‌ర్నీ ఉంటుంది. అందులో ప‌డ‌టం, లేవ‌టం అనేది సాధార‌ణంగానే జ‌రుగుతుంటాయి. అలా సాయిధరమ్ తేజ్ లైఫ్ స‌క్సెస్‌ఫుల్‌గా ర‌న్ అవుతున్న స‌మ‌యంలో దేవుడు యాక్సిడెంట్ రూపంలో చిన్న బ్రేక్ వేశాడు. అయితే త‌ను దాంట్లో నుంచి రిక‌వ‌ర్ అయ్యి చేస్తున్న మొద‌టి సినిమా ‘విరూపాక్ష’. ట్రైల‌ర్ చూశాక వాట్ ఎ ట్రైల‌ర్ అనిపించింది. తేజుకి ఇది రీ ఎంట్రీ. తేజు నిన్న ఫోన్ చేసి ‘సార్‌! నా ఫస్ట్ సినిమా పిల్లా నువ్వు లేని జీవితం మీరు అర‌వింద్‌గారే చేశారు. ఇప్పుడు ఇది నా రీ ఎంట్రీలాంటిది. మీరు రావాలి’ అని అన్నాడు. తేజు ఫస్ట్ అనే కాదు.. ఎప్పుడు ఏ సాయం అడిగినా నేను, అరవింద్గారు చేయ‌టానికి రెడీగా ఉంటాం. ట్రైల‌ర్ చాలా బావుంది. నైజాం డిస్ట్రిబ్యూట‌ర్ కాబ‌ట్టి ఈ స‌క్సెస్‌లో నేను కూడా ఓ పార్ట్ అవుతాను’’ అన్నారు.
హీరో సాయిధరమ్ తేజ్ మాట్లాడుతూ ‘‘ఎంతో ప్రేమించి, క‌ష్ట‌ప‌డి చేసిన సినిమా. ఓ మంచి సినిమాను మీ ముందుకు తీసుకొస్తున్నాం. ఈ నెల 21 థియేటర్స్‌లో అంద‌రం క‌లుద్దాం. బ్లాక్ బ‌స్ట‌ర్ న్యూస్‌తో మాట్లాడుకుందాం. అంద‌రూ స‌పోర్ట్ చేయండి. అమ్మా ఈ సినిమా నీకోసం. ఐ ల‌వ్ యు అమ్మ. నేను అడిగిన త‌ర్వాత స‌పోర్ట్ చేయ‌టానికి వచ్చిన నా తొలి సినిమా నిర్మాత‌లు దిల్ రాజు, అర‌వింద్‌గారికి థాంక్స్‌’’ అన్నారు.
అల్లు అరవింద్ మాట్లాడుతూ, ఈ మ‌ధ్య సినిమాల‌కు ట్రైల‌ర్ బ‌ట్టి ఓపెనింగ్స్ వ‌స్తున్నాయి. విరూపాక్ష ట్రైల‌ర్ చూస్తుంటే పిచ్చ రేంజ్‌లో ఓపెనింగ్స్ వ‌స్తాయ‌ని 100% అనిపిస్తుంది. కాంతార చేసిన మ్యూజిక్ డైరెక్ట‌ర్ ఈ సినిమాకు మ్యూజిక్ అందించ‌టం హ్యాపీ. అన్ని క‌లిసొచ్చి ఈ సినిమా ఎక్క‌డో నిల‌బ‌డుతుంది’’ అన్నారు.
