రజనీ "2.O" ఫస్ట్ లుక్.. ఆడియో వేడుకకు రావాలని ఆ హీరోను అభ్యర్థిస్తున్న శంకర్

రజనీకాంత్ హీరోగా ఎస్. శంకర్ దర్శకత్వంలో తెరకెక్కిన చిత్రం 2.O. ఈచిత్రం ఆడియో రిలీజ్ వేడుక ఈనెల 27వ తేదీన దుబాయ్ వేదికగా జరుగనుంది. ఈ ఆడియో వేడుకతోనే ప్రపంచం మొత్తం ఈ చిత్రం వైపు చూసేలా దర్శకుడు ప్లాన్ చేశాడని చెప్పొచ్చు.

ఆస్కార్ విజేత ఏఆర్ రెహ్మాన్ సంగీత సారథ్యంలో రూపుదిద్దుకున్న 2.0 ఆడియోని ప్రపంచ ప్రసిద్ధ 7 స్టార్ హోటల్ బుర్జ్ దుబాయ్లో చాలా గ్రాండ్గా నిర్వహించేందుకు లైకా భారీ ఏర్పాట్లు చేస్తోంది. శుక్రవారం జరిగే ఆడియో వేడుకలో 125 సింఫొనీ కళాకారులతో కలిసి ఏఆర్ రెహ్మాన్ సంగీత విభావరి ఉంటుందని తెలుస్తోంది. 

దుబాయ్‌ రాజు ఈ వేడుకకు ముఖ్య అతిథిగా హాజరయ్యే అవకాశం ఉంది. అలాగే ఈ వేడుకలో పాల్గొనాల్సిందిగా కమల్‌ హాసన్‌ని దర్శకుడు శంకర్‌ కలిసి అభ్యర్థించినట్లు సమాచారం. అయితే రోజుకో పోస్టర్‌తో సినిమా మీద హైప్ పెంచుతున్న దర్శకుడు శంకర్, తాజాగా రజనీ లుక్‌ను రివీల్ చేస్తూ ఓ పోస్టర్‌ను తన సోషల్ మీడియా పేజ్ లో పోస్ట్ చేశాడు. ఈ పిక్ అభిమానులని ఎంతగానో అలరిస్తుంది. 

ఈ సినిమాలో అమీజాక్సన్ హీరోయిన్‌గా నటిస్తుండగా, బాలీవుడ్ స్టార్ అక్షయ్‌కుమార్ విలన్ రోల్ పోషిస్తున్నాడు. ఈనేపథ్యంలో అక్షయ్ కుమార్ ఓ ట్వీట్ చేశారు. "ఇక.. 2.0 మ్యూజిక్ ఈవెంట్‌కు రెడీ అవ్వాలని... ఇంకా రెండు రోజులే ఉందని, ఈ మూవీ ఓ మహాకావ్యం" అంటూ బాలీవుడ్ స్టార్ అక్షయ్ కుమార్ ట్వీట్ చేశారు.

Music of @2Point0movie Releasing Tomorrow