స్టైలిష్ స్టార్ అల్లు అర్జున్‌ తాజా సినిమా ''నా పేరు సూర్య నా ఇల్లు ఇండియా''. ఈ చిత్రంలో బన్నీ ఆర్మీ ఆఫీసర్‌గా నటిస్తున్నాడు. ఈ సినిమాలోని ఓ డైలాగును బన్నీ పుట్టినరోజును పురస్కరించుకుని విడుదల చేశారు. ఈ సినిమాలో అను ఇమ్మాన్యూల్‌ హీరోయిన్‌గా నటిస్తోంది. పలు సక్సెస్ చిత్రాలకు కథలందించిన వక్కంతం వంశీ ఈ సినిమాతో దర్శకుడిగా పరిచయం అవుతున్నాడు.
మే 4న రిలీజ్ అవుతున్న ఈ సినిమా ప్రమోషన్ కార్యక్రమాలు ప్రారంభమయ్యాయి. ఇప్పటికే ఈ సినిమా పోస్టర్, టీజర్లకు మంచి స్పందన వచ్చింది. ఇంకా సినిమాపై భారీ అంచనాలను పెంచింది. బన్నీ డిఫరెంట్ మేకోవర్‌లో డిఫరెంట్ బాడీ లాంగ‍్వేజ్‌తో ఆకట్టుకుంటున్న ఈ సినిమాతో మరోసారి రికార్డులను తిరగరాస్తారని తెలుస్తోంది. ఈ నేపథ్యంలో ఆదివారం (ఏప్రిల్ 8) అల్లు అర్జున్‌ పుట్టిన రోజును పురస్కరించుకుని నా పేరు సూర్య నా ఇల్లు ఇండియా సినిమాలోని డైలాగ్ ఇంపాక్ట్‌‌ను రిలీజ్ చేశారు.
