'కార్తికేయ' ఫేం చందూ మొండేటి దర్శకత్వంలో నాగచైతన్య కథానాయకుడిగా నటిస్తున్న తాజా చిత్రం 'ప్రేమమ్'. మలయాళంలో సంచలన విజయం సాధించిన 'ప్రేమమ్'కి రీమేక్‌గా రూపొందుతున్న ఈ సినిమాకి తెలుగులోనూ అదే పేరును టైటిల్‌గా ఫిక్స్ చేశారు. ఈ చిత్రంలో చైత‌న్య స‌ర‌స‌న శృతిహాస‌న్, అనుప‌మ ప‌ర‌మేశ్వ‌ర‌న్, మడొన్నాసెబాస్టియన్ న‌టిస్తున్నారు.
ఈ చిత్రాన్నిపి.డి.వి ప్రసాద్ సమర్పణలో సితార ఎంట‌ర్ టైన్మెంట్స్‌బ్యాన‌ర్‌పై సూర్య‌దేవ‌ర నాగ‌వంశీ నిర్మిస్తున్నారు. ఈ చిత్రంలోని ఎవరే... అనే సాంగ్‌ని అక్కినేని నాగ చైత‌న్య రిలీజ్ చేశారు. విడుదలైన కొద్దిసేపటికే ప్రేక్షకుల నుండి మంచి స్పందన లభిస్తోంది. గోపీ సుంద‌ర్ సంగీతం వహించిన ఈ చిత్రాన్ని సెప్టెంబర్‌లో ప్రేక్షకుల ముందు తీసుకొచ్చేందుకు సన్నాహాలు చేస్తున్నారు.
