మరో రెండు రోజుల్లో నాగ చైత‌న్య, సమంతల వివాహం జరుగుతుందని అక్కినేని నాగార్జున మంగళవారం సాయంత్రం మీడియాకు తెలియజేశారు. పెళ్లికి పెద్దగా హంగూ-ఆర్భాటాలు లేకుండా చేస్తున్నట్లు వెల్లడించారు. అలాగే పెళ్లి చేసుకోవాలన్న ఆకాంక్షను నాగచైతన్య తనను అడిగాడనీ, వారు కోరుకున్నట్లుగానే ఎలాంటి ఆర్భాటాలకు పోకుండా చాలా సామాన్యంగా వారి పెళ్లి జరుపుతున్నట్లు చెప్పారు.
ఈ పెళ్లికి కేవలం 100 మంది మాత్రమే హాజరవుతారనీ, ఎక్కువమందిని పిలువకపోయినప్పటికీ అంతా నూతన వధూవరులకు ఆశీర్వాదాలు అందించాలని విజ్ఞప్తి చేశారు. సమంత-నాగచైతన్యల వివాహం క్రిస్టియ‌న్, హిందూ సంప్ర‌దాయాల ప్ర‌కారం జరిపిస్తున్నట్లు వెల్లడించారు. కాగా ఈ పెళ్లి గోవాలో జరగనుంది.
