బ్రహ్మాండ నాయకుడి బ్రహ్మోత్సవం వచ్చే నెలలో జరుగనుంది. ఇందుకోసం టాలీవుడ్ హీరో నాగార్జున సిద్ధమవుతున్నారు. తెలుగు చిత్ర పరిశ్రమలో ప్రయోగాత్మక కమర్షియల్ చిత్రాల్లో నటించి తనదైన ముద్రవేసిన హీరో ఈ టాలీవుడ్ మన్మథుడు. అదే తరహాలో భక్తిరస పాత్రల్లో పరకాయ ప్రవేశం చేసి వాటికి ప్రాణప్రతిష్ట చేశారు. తాజాగా నాగార్జున నటిస్తున్న భక్తిరసప్రధాన చిత్రం "ఓం నమో వెంకటేశాయ".
ఈ సినిమాలో వెంకటేశ్వరస్వామిగా సౌరబ్‌జైన్, భక్తురాలు కృష్ణమ్మగా అనుష్క నటిస్తోంది. ప్రతి ఒక్కరిలోనూ భక్తిభావనలు పెంపొందించేలా ఈ సినిమాను తీర్చిదిద్దుతున్నాం అన్నారు. జగపతిబాబు, ప్రగ్యాజైస్వాల్, విమలారామన్ తదితరులు నటిస్తున్నారు.
