పూజా కార్యక్రమం నుండి, నిర్మాణ పనులకు సంబంధించిన కీలకమైన వివరాలను వీడియోలో చూపించారు. ప్యాషినేట్ టీమ్ 8 నెలల పాటు తీవ్రంగా శ్రమించారు . 24 అద్భుతమైన ప్రదేశాలలో, 12 మాసివ్ సెట్లలో షూటింగ్ జరిగింది. బాలకృష్ణ కొన్ని పవర్ ప్యాక్డ్ డైలాగ్‌లు చెబుతున్నట్లు కూడా వీడియోలో ఉంది. “కలిసి మాట్లాడతా అన్నా కదా, అంతలోనే మందిని పంపాలా... గ్రౌండ్ ఫ్లోర్ బలిసిందా బే...” అంటూ గూండాలను హెచ్చరించారు. బాలకృష్ణ చెప్పిన చివరి డైలాగ్ “బ్రో... ఐ డోంట్ కేర్” మొండి స్వభావాన్ని తెలియజేస్తుంది.
అనిల్ రావిపూడి, బాలకృష్ణను మునుపెన్నడూ లేని క్యారెక్టర్‌లో ప్రెజెంట్ చేస్తున్నారు. గెటప్ కూడా పూర్తిగా కొత్తగా వుంది. సాల్ట్ అండ్ పెప్పర్ లుక్ లో బాలకృష్ణ కనిపిస్తారు. ఎస్ఎస్ థమన్ అద్భుతమైన స్కోర్ విజువల్స్ కు బలం చేకూర్చింది.
సాహు గారపాటి, హరీష్ పెద్ది ఈ చిత్రాన్ని నిర్మిస్తున్నారు, ఇందులో బాలకృష్ణ సరసన కాజల్ అగర్వాల్ కథానాయికగా నటిస్తోంది. జాతీయ అవార్డు విన్నర్ అర్జున్ రాంపాల్ ఈ చిత్రంతో టాలీవుడ్‌లోకి అడుగుపెడుతున్నారు.
ఈ చిత్రానికి సినిమాటోగ్రఫీ సి రామ్ ప్రసాద్, ఎడిటర్ తమ్మి రాజు, ప్రొడక్షన్ డిజైనర్ రాజీవ్. యాక్షన్ పార్ట్‌కి వి వెంకట్‌ కొరియోగ్రఫీ చేస్తున్నారు.
నటీనటులు: నందమూరి బాలకృష్ణ, అర్జున్ రాంపాల్, కాజల్ అగర్వాల్, శ్రీలీల
