నిర్భంధ తమిళంపై మళ్లీ వివాదం రాజుకునేలా వుంది. అయితే ఈసారి ఈ వివాదం సర్దుబాటు అవుతుందా.. పోరుబాటకు దారి తీస్తుందా అనేది తెలియాల్సి ఉంది. గత ఏడాది ఆఖరి నిమిషంలో ''నిర్భంధ తమిళం'' జీవో పెను సంచలనానికి తెరతీసిన సంగతి తెలిసిందే. అయితే ఈ జోవో కారణంగా విద్యార్థులకు తలెత్తే ఇబ్బందులను గ్రహించిన హైకోర్టు.. గత విద్యా సంవత్సరానికి మాత్రం ఉపశమనం కల్పిస్తూ.. ఆదేశాలు జారీ చేసింది.
హైకోర్టు ఆదేశాల ప్రకారం చాలామంది విద్యార్థులు మాతృభాషల్లోనే పరీక్షలు రాశారు. అయితే ఈ పరీక్షల్లో చాలామందికి మార్కులు తగ్గాయి. కానీ హైకోర్టు ఇచ్చిన తీర్పు గత ఏడాదితో ముగియనుండటం ద్వారా విద్యార్థులు మళ్లీ టెన్షన్ పడుతున్నారు. ఈ వ్యవహారంపై అన్నాడీఎంకే సర్కారు తన పని తాను చేసుకుపోతుంది. ఇంకా తెలుగు వారంతా అన్నాడీఎంకే పార్టీకి మద్దతు తెలపడంతో భాష గురించి వారు పట్టించుకుంటారా లేదా అనే అనుమానం వ్యక్తమవుతోంది.
