అల్లు శిరీష్, సురభి జంటగా నటించిన ''ఒక్క క్షణం'' సినిమా గురువారం విడుదలైంది. ఈ సినిమా ప్రమోషన్‌లో బిజీ బిజీగా వున్న అల్లు శిరీష్.. ఓ ఇంటర్వ్యూలో మెగాస్టార్ చిరంజీవిని తలచుకున్నారు. అభిమానుల పట్ల ఎలా ప్రవర్తించాలో చిరంజీవి తమకు చెప్పారన్నారు. కోపంగా, బాధగా వున్నప్పుడు ఎవరైనా సెల్ఫీ తీసుకునేందుకు మీ వద్దకు వస్తే ఏం చేస్తారు..? అన్న ప్రశ్నకు కూడా శిరీష్ బదులిచ్చారు.
అందుచేత ఎలాంటి మూడ్‌లో ఉన్నా ఆ అభిమాని కోసం అవన్నీ కాసేపు పక్కన పెట్టేసేయ్ అన్నారని అల్లు శిరీష్ చెప్పారు. అలాచేస్తే ఆ అభిమానికి అది తీపి జ్ఞాపకంగా మిగిలిపోతుందని చిరంజీవి తెలిపినట్లు శిరీష్ తెలిపారు. ఆ మాటలు ఆలోచింపజేశాయని.. తనను మార్చేశాయని.. అందుకే ఎవరైనా సెల్ఫీ అడిగితే అదృష్టంగా భావించి.. నవ్వుతూ సెల్ఫీ ఇస్తానని అల్లు శిరీష్ వెల్లడించారు.
