సరిగ్గా మూడు రోజుల తర్వాత అంటే ఆదివారం (మార్చి 26) రెండో కుమార్తె పోలెనా పుట్టిన రోజు వేడుకలను హైదరాబాద్‌లో నిర్వహించాడు. పవన్.. తన భార్య అన్నా లెజెనోవాతో కలిసి పోలేనా బర్త్‌డే పార్టీలో పాల్గొన్నాడు. కాగా, ఏప్రిల్‌ 8న పవన్ కొడుకు అకీరా పుట్టినరోజు కూడా రానుంది. ఆ రోజు కూడా పవన్ పుణె వెళ్లే అవకాశముంది. ఆ తర్వాత త్రివిక్రమ్‌ కాంబినేషన్‌లో మొదలు కాబోయే సినిమా షూటింగ్‌లో పాల్గొంటాడు.
ఇదిలావుండగా, ఈనెల 24వ తేదీన ‘కాటమరాయుడు’ సినిమాతో ప్రేక్షకుల ముందుకు వచ్చిన పవన్ మంచి విజయాన్ని అందుకున్నాడు. ఇన్నాళ్లూ సినిమాలతో, రాజకీయాలతో బిజీగా గడిపిన పవన్ ఈ ఖాళీ సమయాన్ని తన కుటుంబానికి కేటాయించడం గమనార్హం.
