శైలేష్, దీక్షాపంత్, అంగనారాయ్ ప్రధాన పాత్రల్లో ఎం.ఆర్.ఎంటర్‌టైన్‌మెంట్ బ్యానర్‌పై మోహన ప్రసాద్ దర్శకత్వంలో ఎం.రాఘవయ్య నిర్మిస్తున్న చిత్రం ‘ఛల్ ఛల్ గుర్రం’. ఇప్ప‌టికే విడుద‌లైన ఈ సినిమా ఆడియో, ట్రైల‌ర్‌ల‌కు ప్రేక్ష‌కుల నుంచి మంచి స్పంద‌న వ‌స్తుంది. ఇప్పుడు స్వ‌యానా పవన్ కళ్యాణ్ ఈ చిత్ర బృందాన్ని అభినందించారు.
ట్రైలర్ బాగా ఆక‌ట్టుకుంది. ఇలాంటి సినిమాను నిర్మించిన రాఘ‌వ‌య్య‌ను ఆయ‌న ప్ర‌త్యేకంగా అభినందించారు. డైర‌క్ట‌ర్ మోహన్ సినిమాను బాగా తెర‌కెక్కించాడ‌ని, పాట‌ల‌న్నీ బాగున్నాయని, దీపావ‌ళికి విడుద‌లయ్యే ఈ సినిమా ప్ర‌తీ ఒక్క‌రినీ అల‌రిస్తుంద‌ని ఆయ‌న అన్నారు.
ఈ చిత్రంలో శైలేష్ బొలిశెట్టి, దీక్షా పంత్, అంగ‌నా రాయ్, నాగ‌బాబు, బెన‌ర్జీ, ముక్త‌ర్ ఖాన్, ప్రవీణ్, సుడిగాలి సుధీర్, చిత్రం శ్రీను, అశోక్ కుమార్ తదితరులు నటిస్తున్నారు. ఈ చిత్రానికి మోహన్ ప్రసాద్ దర్శకుడు.
