ఇద్దరు పిల్లలు పుట్టిన తర్వాత తన తొలి భార్యకు విడాకులు ఇచ్చిన ప్రభుదేవా.. కొంతకాలం హీరోయిన్ నయనతారతో డేటింగ్ చేశాడు. ఆ తర్వాత ఈమెతో కూడా మనస్పర్థలు రావడంతో బ్యాచిలర్‌ జీవితాన్ని గడుపుతున్నాడు. అయితే, ఇపుడు ఈ మ‌ల్టీ టాలెంటెడ్ ఆర్టిస్టుని వివాహం చేసుకునేందుకు హీరో పవన్ కళ్యాణ్ హీరోయిన్ ముందుకు వచ్చింది.
ఆ హీరోయిన్ ఎవరో కాదు. నికీష్ పటేల్. "కొమరం పులి" చిత్రం ద్వారా తెలుగు వెండితెరకు పరిచయమైంది. ఆ తర్వాత తెలుగులో స‌రైన ఆఫ‌ర్స్ రాక కోలీవుడ్‌కి వెళ్లింది. అక్క‌డ ప‌లు చిత్రాల‌లో న‌టించిన ఈ అమ్మ‌డు క‌న్న‌డ‌లోనూ న‌టించింది. బాలీవుడ్‌లోనూ న‌టించేందుకు ప్ర‌య‌త్నిస్తుంది. అయితే స‌రైన హిట్స్ దొర‌క్క‌పోవ‌డంతో హీరోయిన్ పాత్ర‌కి ప్రాముఖ్య‌త ఉన్న ఏ చిత్రమైన చేస్తానంటుంది.
ఈనేపథ్యంలో తాజాగా ఈ అమ్మ‌డు కోలీవుడ్‌లో 'పాండిముని' చిత్రంలో న‌టిస్తుంది. రెండేళ్ళ తర్వాత త‌మిళంలో న‌టిస్తున్న నికీషాని మీడియా మీకు ఏ హీరో న‌ట‌న అంటే ఇష్టం అని ప్ర‌శ్నించింది. ఇందుకు నికీషా చాలా మంది హీరోల న‌ట‌న ఇష్టం. ముఖ్యంగా ప్రభుదేవా అంటే చాలా ఇష్టమని చెప్పింది. అలాగే ఆయన ఓకే అంటే ప్ర‌భుదేవాని పెళ్లిచేసుకోవ‌డానికి కూడా సిద్ధంగా ఉన్నట్టు నికీషా చెప్పుకొచ్చింది.
