దాదాపు పదేళ్లుగా సాగుతున్న గీతామాధురి కెరీర్‌లో ఇప్పటి వరకు తెలుగు, తమిళం, కన్నడ, హిందీ, మలయాళ భాషలు అన్నింట్లో కలిపి దాదాపు 550 పాటల వరకు పాడింది. కొన్ని సినిమాలలో ఆమె పాడిన పాటలకు అవార్డులు సైతం దక్కాయి. ఇక గత సంవత్సరంలో ఆమె 'బిగ్ బాస్ 2' అనే రియాల్టీ షో‌లో పాల్గొని ఫైనల్స్‌కు చేరుకుంది. దీంతో ప్రజలలో ఆమె పాపులారిటీ మరింతగా పెరిగిపోయింది.
టాలీవుడ్ యాక్టర్ నందును ప్రేమించిన తర్వాత ఫిబ్రవరి 9, 2014లో వారిద్దరూ పెళ్లి చేసుకున్నారు. అయితే గీతామాధురి గర్భవతి అనే విషయాన్ని ఆమె గానీ, ఆమె భర్త గానీ ఎవరూ వెల్లడించలేదు. కానీ ఆమె సీమంతానికి సంబంధించిన కొన్ని పిక్స్ బయటకు రావడంతో గీతామాధురి గర్భవతి అని అందరికీ తెలిసిపోయింది.
తాజాగా యూట్యూబ్‌లో వైరల్ అవుతున్న గీతామాధురి సీమంతం వీడియోలో నందు, కుటుంబ సభ్యులు, స్నేహితులతో పాటుగా సింగర్స్ అంజనా సౌమ్య, మాళవిక, యాంకర్ శ్యామల కనిపించారు. ఈ వీడియో చూసిన అభిమానులంతా గీతా మాధురి దంపతులకు పండంటి బిడ్డ పుట్టాలని కోరుకుంటున్నారు.
