టాలీవుడ్‌లో ఆమె ప్రస్తుతం టాప్ హీరోయిన్‌గా ఎదిగిపోయింది.ఇటీవల అల వైకుంఠపురంలో సినిమా ద్వారా బంపర్ హిట్‌ను తన ఖాతాలో వేసుకుంది పూజా హెగ్డే. ఈ సినిమాలోని పాటలన్నీ బంపర్ హిట్టే. బుట్టబొమ్మ పాట ద్వారా ప్రేక్షకులకు బాగా రీచ్ అయిన పూజా హెగ్డే ప్రస్తుతం బాహుబలి హీరో ప్రభాస్ సరసన నటిస్తోంది. ఇంతకీ విషయం ఏమిటంటే? కరోనా కారణంగా ప్రస్తుతం సెలెబ్రిటీలందరూ లాక్ డౌన్‌లో వున్నారు.
ఈ నేపథ్యంలో పూజా హెగ్డే పాత ఫోటోలను సోషల్ మీడియాలో పోస్టు చేస్తూ వస్తోంది. ఇలా దువ్వాడ జగన్నాథం చిత్రంలోని పాట షూటింగ్ సందర్భంగా తీసిన ఫోటోను పూజా పోస్టు చేసింది. ఆ ఫోటోలో స్టైలిష్ స్టార్ అల్లు అర్జున్ పూజా హెగ్డేకు విభూది నుదుటన రాశాడు. ఈ ఫోటోలో ఇద్దరూ పంచెకట్టులో కనిపించారు. ఈ ఫోటో, వీడియో ప్రస్తుతం సోషల్ మీడియాలో వైరల్ అవుతోంది.
