రఘు కుంచె యాంకర్‌గా, సింగర్‌గా, మ్యూజిక్ డైరెక్టర్‌గా ఇండస్ట్రీలో తనకంటూ ఓ ప్రత్యేక స్థానం సంపాదించుకున్నారు. ఇప్పుడు తనలోని మరో కోణాన్ని ప్రేక్షకులకు చూపించబోతున్నారు. ఫస్ట్ లుక్‌తోనే క్యూరీయాసిటీ క్రియేట్ చేసిన ‘‘పలాస 1978’’ మూవీలో రఘు కుంచె విలన్‌గా కనిపించి అలరించబోతున్నారు. ఈ సినిమాకి మ్యూజిక్ కూడా అతనే కంపోజ్ చేస్తుండటం మరో విశేషం.
ఈ చిత్రంలో రక్షిత్, నక్షత్ర హీరో హీరోయిన్లుగా నటించారు, రఘు కుంచె, తిరువీర్, జనార్థన్, లక్ష్మణ్, శృతి, జగదీష్ ఇతర పాత్రలలో కనిపించబోతున్నారు. పోస్ట్ ప్రొడక్షన్ దశలో ఉన్న ‘‘పలాస 1978’’ చిత్రాన్ని త్వరలోనే రిలీజ్ చేస్తామని దర్శక నిర్మాతలు తెలియజేసారు.
