విజయ్ దేవరకొండ వంటి హీరోను తాను ఇంతవరకు తాను చూడలేదని, లైగర్ చిత్రం తర్వాత ఆయన మరో స్థాయికి చేరుకుంటాడని దర్శకుడు పూరి జగన్నాథ్ అన్నారు. విజయ్ దేవరకొండ - పూరీ జగన్నాథ్ కాంబినేషన్లో "లైగర్" చిత్రం తెరకెక్కింది. ఈ నెల 25వ తేదీన పాన్ ఇండియా మూవీగా విడుదల కానుంది. దీంతో ఈ చిత్రం ప్రచార కార్యక్రమాలను ముమ్మరం చేశారు. ఇందులోభాగంగా, ఆదివారం వరంగల్లో ఏర్పాటు చేసిన ఈవెంట్లో పూరీ జగన్నాథ్ పాల్గొని ప్రసంగించారు.
