తాజాగా బాలీవుడ్‌లో మరోసారి 'మగధీర'లాంటి సినిమా రానుంది. సుషాంత్ సింగ్ రాజ్‌పుత్, కృతిసనన్ జంటగా తెరకెక్కుతున్న హిందీ ఫిల్మ్ 'రబ్‌తా' ట్రైలర్ తాజాగా రిలీజైంది. ఈ ట్రైలర్ చూస్తుంటే మగధీర సినిమాకు కాపీలా ఉందని అంటున్నారు.
ఇక సినిమాలో సుశాంత్ సింగ్ రాజ్‌పుత్, కృతి సనన్ మధ్య రొమాంటిక్ సీన్లు, ముద్దు సన్నివేశాలు జోరుగా ఉన్నట్లు స్పష్టమవుతోంది. ఇంత హాటుగా, ఘాటుగా కృతిసనన్ గతంలో ఎప్పుడూ, ఏ హీరోతోనూ రొమాన్స్ చేయలేదు. 'రబ్‌తా' చిత్రానికి దినేష్ విజన్ దర్శకత్వం వహించగా, జూన్ 9న ఈ సినిమాను రిలీజ్ చేయడానికి సన్నాహాలు చేస్తున్నారు.
అదేసమయంలో రెండు నిమిషాల నిడివిగల ఈ వీడియో సినీ లవర్స్ విపరీతంగా ఎట్రాక్ట్ చేసుకుంది. 24 గంటల్లో కోటిపైగా హిట్స్ రావడంతో యూనిట్ ఫుల్‌ఖుషీ అయిపోయింది. ఇక సుషాంత్ యాక్షన్ అదిరిపోయిందని, కృతిసనన్ గత సినిమాల కంటే అన్నివిధాలుగా దూకుడు పెంచిందని అంటున్నారు. ఈ తరహా సినిమాలు బాలీవుడ్‌లో వచ్చినా పెద్దగా ఆకట్టుకోలేదు. మరి రబ్‌తా ఏం చేస్తుందో చూడాలి.
