వచ్చిన కొత్తల్లోనే మంచి హిట్‌లు కొట్టిన యువ హీరో రాజ్ తరుణ్ తన ఫేమ్‌ని కొనసాగించాలని ప్రయత్నించినా కెరీర్‌లో స్లో గానే నడుస్తున్నాడు. దిల్ రాజు బ్యానర్‌లో తెరకెక్కిన "లవర్" చిత్రంపై నమ్మకాలు పెట్టుకున్నా, ఆ చిత్రం కూడా నిరాశపరిచింది. గత సంవత్సరం విడుదలైన 'లవర్' సినిమా తర్వాత రాజ్ తరుణ్ చాలా రోజులు గ్యాప్ ఇచ్చి ఇప్పుడు మళ్లీ యాక్షన్ మోడ్‌లోకి దిగాడు.
హైదరాబాద్‌లో జరిగిన ఈ చిత్రం పూజా కార్యక్రమానికి సీనియర్ రచయిత కేవీ విజయేంద్ర ప్రసాద్ అతిథిగా హాజరయ్యారు. త్వరలోనే ఈ సినిమాకి సంబంధించిన వివరాలు వెల్లడవుతాయి. లాంచ్ సందర్భంగా ఈ సినిమా టైటిల్, లోగో, పోస్టర్‌ను కూడా విడుదల చేసారు.
పింక్ కలర్ పెయింటింగ్ బ్యాక్‌గ్రౌండ్ ఉండగా, 'ఇద్దరి లోకం ఒకటే' అనే టైటిల్ బ్లాక్ ఫాంట్‌తో ఉంది. 'లోకం' పదానికి చుట్టూ వైట్ కలర్ హార్ట్ సింబల్ ఉంది. ఇకపోతే ఈ సినిమా ఉప క్యాప్షన్‌గా యూ ఆర్ మై హార్ట్ బీట్ అని ఉంది.
