కమెడియన్‌గా కెరీర్‌ను మొదలుపెట్టిన సునీల్, స్టార్ కమెడియన్‌గా ఎదగడానికి పెద్ద ఎక్కువ సమయమేమీ పట్టలేదు. తనదైన టైమింగ్‌.. మేనరిజమ్‌లతో దూసుకుపోయిన సునీల్... ఆ తర్వాత హీరోగా అడుగులు వేశాడు. హీరోగా మారిన సునీల్‌ని ఆరంభంలో విజయాలు పలకరించినప్పటికీ... ఆ తర్వాత ముఖం చాటేశాయి. దాంతో ఆయన మళ్లీ కమెడియన్‌గానే కెరీర్‌ను కొనసాగించాలనే ఉద్దేశ్యంతో వెనక్కి వచ్చేశాడు.
ఈ మేరకు, గత ఏడాది 'అరవింద సమేత' చిత్రం ద్వారా కమెడియన్‌గా రీ ఎంట్రీ ఇచ్చిన ఆయన, ప్రస్తుతం 5 సినిమాలతో బిజీగా వున్నాడు. త్వరలో ప్రేక్షకుల ముందుకు రానున్న 'చిత్రలహరి'లో ఆయన కామెడీ ఒక రేంజ్‌లో ఉంటుందని సదరు సినిమా యూనిట్ పేర్కొంటోంది.
