రాజ్ తరుణ్.. ఉయ్యాలా జంపాలా, కుమారి 21 ఎఫ్‌, సినిమా చూపిస్త మామ చిత్రాలతో వరుస విజయాలు సాధించి యూత్‌లో మంచి గుర్తింపు సంపాదించుకున్నాడు. ఆ తర్వాత సరైన కథలు ఎంచుకోకపోవడం వలన కెరీర్లో వెనకబడ్డాడు. రీసెంట్ ఓరేయ్ బుజ్జిగా సినిమాతో ప్రేక్షకుల ముందుకు వచ్చాడు కానీ.. ప్రేక్షకుల్ని మెప్పించలేకపోయాడు. అందుకని ఇక నుంచి ఆచితూచి కథలు ఎంచుకోవాలని ఫిక్స్ అయ్యాడని తెలిసింది.
ఇదిలాఉంటే.. రాజ్ తరుణ్ తన ఫేవరేట్ హీరో, హీరోయిన్ గురించి తన మనసులో మాటలను బయటపెట్టాడు. ఇంతకీ మేటర్ ఏంటంటే... రాజ్ తరుణ్ ఫేవరెట్ హీరో మహేష్ బాబు. మహేష్ అంటే చిన్నప్పట్నుంచి రాజ్ తరుణ్‌కు ఎంతో ఇష్టమట. సినిమాల్లోకి వచ్చి హీరోగా రెండు సినిమాలతో సక్సెస్ సాధించిన తర్వాత కూడా మహేష్ బాబును కలవాలని తెగ ప్రయత్నించాడట ఈ కుర్ర హీరో.
