ర‌జ‌నీకాంత్ 'పేట' తెలుగు రైట్స్‌ని ఎన్ని కోట్ల‌కు కొన్నారో తెలుసా..?

ప్రముఖ నిర్మాత అశోక్ వల్లభనేని పేట తెలుగు రైట్స్ సొంతం చేసుకున్నారు. ఈయన గతంలో విజయ్ సర్కార్.. మణిరత్నం నవాబ్ సినిమా హక్కులను తెలుగులో తీసుకున్నారు. ఇప్పుడు పేట హక్కులను 21 కోట్లకు సొంతం చేసుకున్నారు. భారీ పోటీ మధ్య ఈ డీల్ సొంతం చేసుకున్నారు అశోక్. 

ఈ సినిమాతో హ్యాట్రిక్ పూర్తి చేయాల‌ని చూస్తున్నారు ఈ నిర్మాత‌. తెలుగులో ఈ చిత్రాన్ని భారీగా విడుద‌ల చేయాల‌ని ప్లాన్ చేస్తున్నారు నిర్మాత అశోక్. పేట సినిమా ర‌జినీకాంత్, కార్తిక్ సుబ్బ‌రాజ్ కాంబినేష‌న్‌లో వ‌స్తుంది. సూపర్ స్టార్‌కు తెలుగులో ఉన్న భారీ ఫ్యాన్ ఫాలోయింగ్ సినిమాకు హెల్ప్ కానుంది.

రజ‌నీ ఈ సినిమా కోసం చాలా మేకోవర్ అయ్యారు. ఇదివరకు ఏ సినిమాలో కనిపించని విధంగా ఇందులో కొత్తగా ఉన్నారు సూపర్ స్టార్. సిమ్రాన్, త్రిష, విజయ్ సేతుపతి, బాబీ సింహా, శ‌శికుమార్, మేఘా ఆకాష్ ఈ చిత్రంలో కీలక పాత్రల్లో నటిస్తున్నారు. బాలీవుడ్ నటుడు నవాజుద్దీన్ సిద్దిఖీ పేట సినిమాతోనే దక్షిణాది సినీ పరిశ్రమకు పరిచయం అవుతున్నారు. అనిరుధ్ రవిచందర్ ఈ చిత్రానికి మ్యూజిక్ చేస్తుండగా.. సన్ పిక్చర్స్ భారీ స్థాయిలో నిర్మించింది. జనవరి 10న విడుదల కానుంది పేట.

సూప‌ర్ స్టార్ ర‌జనీకాంత్, సిమ్రాన్, త్రిష, నవాజుద్దీన్ సిద్దిఖీ, విజయ్ సేతుపతి, బాబీ సింహా, శ‌శికుమార్, మేఘా ఆకాష్ త‌దిత‌రులు న‌టించిన ఈ చిత్రానికి ద‌ర్శ‌కుడు: కార్తిక్ సుబ్బ‌రాజ్, నిర్మాత‌: వ‌ల్ల‌భ‌నేని అశోక్, నిర్మాణ సంస్థ‌: స‌న్ పిక్చ‌ర్స్, డిఓపి: ఎస్ తిర‌ణ‌వుక్క‌రుసు, సంగీతం: అనిరుధ్ ర‌విచంద‌ర్, ఎడిట‌ర్: వివేక్ హ‌ర్ష‌న్, ప్రొడ‌క్ష‌న్ డిజైన‌ర్: సురేష్ సెల్వ‌రాజ‌న్, యాక్ష‌న్ డైరెక్ట‌ర్: పీట‌ర్ హెయిన్, క్యాస్ట్యూమ్ డిజైన‌ర్:  నిహారిక భాసిన్ ఖాన్, ప్ర‌వీణ్ రాజా, కొరియోగ్ర‌ఫీ: ష‌రీఫ్, బాబా భాస్క‌ర్.