బాలీవుడ్ సెక్సీ క్వీన్ రాఖీ సావంత్ ఓ రెజ్లర్ చేతిలో తన్నులు తింది. దీంతో ఆమె నడుం నొప్పితో ఆస్పత్రిలో చేరింది. సీడబ్ల్యుఈ ఛాంపియన్‌షిప్‌ రెజ్లింగ్ పోటీల్లో భాగంగా, మహిళా రెజ్లర్ రోబెల్ చేసిన ఛాలెంజ్‌ను రాఖీ స్వీకరించింది. దీంతో మల్లయుద్ధం బరిలోకి దిగిన రాఖీ సావంత్‌ను మహిళా రెజ్లర్ రోబెల్ తన భుజాలమీదకు ఎత్తుకుని అమాంతం కింద పడేసింది. దీంతో రాఖీకి తీవ్ర గాయమైంది. ఈ ఘటన జరిగిన తర్వాత 8 నిముషాల పాటు రాఖీ బాధతో విలవిలలాడిపోయింది.
చండీగఢ్‌లోని పంచకూలలోని తావూదేవి లాల్ స్టేడియంలో ఈ పోటీలు ఆదివారం జరిగాయి. తొలుత రింగ్‌లోకి దిగిన రోబెల్ పంచకూలలో తనతో తలపడే సత్తాగల మహిళ ఎవరైనా ఉంటే ముందుకు రావచ్చని ఛాలెంజ్ చేసింది. దీనికి వెంటనే స్పందించిన రాఖీ సావంత్ రింగ్‌లోకి దూకింది. తరువాత రాఖీ... తనతో ఒక పాటకు నర్తించాలని రోబెల్‌కు ఛాలెంజ్ చేసింది.
నిజానికి ఈ ఘటన జరిగినపుడు స్టేడియంలో ఉన్న ప్రేక్షకులంతా రాఖీ సీడబ్ల్యుఈ ఛాపింయన్‌షిప్ కార్యకర్త అనుకుని లైట్‌గా తీసుకున్నారు. కానీ, గేమ్ నిర్వాహకులు రాఖీ బాధపడుతుండటాన్ని గమనించి ఆమెను వెంటనే రింగ్ నుంచి బయటకు తీసుకువచ్చి, ఆసుపత్రికి తరలించడంతో ఈ విషయం వైరల్ అయింది.
