తెలుగు చిత్రపరిశ్రమలో బాబాయ్ - అబ్బాయ్‌గా ఉన్న దగ్గుబాటి వెంకటేష్ - రానా దగ్గుబాటిలు తొలిసారి కలిసి వెండితెరపై కనిపించనున్నారు. ఇది నిజంగానే దగ్గుబాటి ఫ్యాన్స్‌కు శుభవార్త. ఈ శుభవార్తను ఓటీటీ ప్లాట్‌ఫామ్ నెట్‌ఫ్లిక్స్ వెల్లడించింది. వెంకీ, రానాలతో ఓ వెబ్ సిరీస్‌కు ప్లాన్ చేసినట్లు నెట్‌ఫ్లిక్స్ ప్రకటించింది.
ఇప్పటివరకు తమ కెరీర్లలో చేయనటువంటి పాత్రల్లో నటించబోతున్నట్లు ఈ సిరీస్‌ గురించి రానా తెలిపారు. ఇది తమకు ఛాలెంజింగ్ అని, షూటింగ్ కోసం ఆసక్తిగా ఎదురు చూస్తున్నానని చెప్పారు. రానాతో పని చేయడానికి తాను కూడా వెయిట్ చేస్తున్నానని.. రే డొనొవాన్ సిరీస్‌కు తాను పెద్ద ఫ్యాన్ అని వెంకీ కామెంట్స్ చేశారు.
