రేణు దేశాయ్ రెండవ పెళ్లికి నిశ్చితార్థం చేసుకుని చాలా నెలలు గడిచాయి. అయినా ఇప్పటికీ పెళ్లి చేసుకోకపోవడంపై పలువురు అనుమానాలు వ్యక్తం చేస్తున్నారు. సోషల్ మీడియాలో వారికి ఇష్టం వచ్చినట్లు కామెంట్‌లు పెడుతున్నారు. దొంగతనంగా పెళ్లి చేసుకుని ఉంటుందని ఊహాగానాలు వ్యక్తం చేస్తున్నారు. అయితే నిశ్చితార్థం సమయంలోనే పెద్ద ఎత్తున ఆమెపై వ్యతిరేక వ్యాఖ్యలు వచ్చాయి.
తనపై సోషల్ మీడియాలో వస్తున్న కథనాలకు ఆమె స్పందించింది. తానేమీ రహస్యంగా పెళ్లి చేసుకోలేదని, అంత అవసరం కూడా లేదని, ఇంత లోపు హడావుడి ఎందుకని అన్నారు. తన పెళ్లి గురించి ఎలాంటి సందేహాలు పెట్టుకోవద్దని, త్వరలోనే అధికారికంగా అందరికీ చెప్పి పెళ్లి చేసుకుంటానని చెప్పింది.
పూర్తి వివరాలు చెప్పకపోయినా తన పెళ్లికి సంబంధించిన విషయాలు షేర్ చేసుకుంటానని రేణూ దేశాయ్ చెప్పారు. తనకు కాబోయే భర్త కొన్ని వ్యక్తిగత కారణాల వల్ల అమెరికా నుండి ఇండియా వచ్చాడు. ప్రస్తుతం పూణేలోని ఓ కంపెనీలో డైరెక్టర్‌గా పనిచేస్తున్నారని చెప్పింది. పెళ్లి కోసం కుటుంబ సభ్యులు ఏర్పాట్లు చేస్తున్నారని, దాని గురించి చింతించాల్సిన అవసరం లేదని చెప్పింది.
