రెబల్ స్టార్ ప్రభాస్ హీరోగా యంగ్ డైరెక్టర్ సుజీత్ తెరకెక్కించిన సంచ‌ల‌న చిత్రం సాహో. ప్రభాస్ స‌ర‌స‌న బాలీవుడ్ బ్యూటీ శ్ర‌ద్ధా క‌ఫూర్ న‌టించింది. ఈ భారీ క్రేజీ మూవీకి డివైడ్ టాక్ వ‌చ్చిన‌ప్ప‌టికీ తొలి రోజు నుండి మంచి కలెక్షన్స్‌తో దూసుకుపోతోంది. యువి క్రియేషన్స్ బ్యానర్ పైన అత్యంత భారీ వ్యయంతో మరియు అత్యున్నత సాంకేతిక విలువలతో తెరకెక్కిన ఈ సినిమా బాలీవుడ్ లో విశేషంగా ఆక‌ట్టుకోవ‌డం విశేషం.
ఆకట్టుకునే కథ, కథనాలతో పాటు హాలీవుడ్ రేంజ్ విజువల్ ఎఫెక్ట్స్‌తో ప్రేక్షకుల ముందుకు వచ్చిన ఈ సినిమా, విజయవంతంగా రెండు వారాలు పూర్తి చేసుకుంది. ప్రపంచ వ్యాప్తంగా మొత్తం 424 కోట్ల మేర గ్రాస్ కలెక్షన్‌ను సాధించినట్లు నిర్మాతలు ప్రకటించడం జరిగింది.
