సమంత నిత్యం సోషల్ మీడియాలో యాక్టివ్‌గా ఉంటారు, ఇక తాను తాజాగా తన ఫ్రెండ్ ఫ్యాషన్ డిజైనర్ శిల్పకి బుగ్గపై ముద్దు పెడుతూ ఉన్న ఓ ఫోటోను ఇన్‌స్టాగ్రామ్‌లో పోస్ట్ చేశారు. ఈ ఫోటో పోస్ట్ చేసిన కొన్ని రోజులకే శిల్పకి కరోనా పాజిటివ్ అని తేలింది. శిల్పకి ఒక్కసారిగా కరోనా అని తేలడంతో సమంతకు చైతన్యకు కూడా కరోనా వచ్చిందేమోనని అభిమానులు జడుసుకుంటున్నారు.
అయితే సమంత పోస్ట్ చేసిన ఫోటో గ‌తంలోదా లేదంటే రీసెంట్ ఫోటోనా అనే విష‌యంలో క్లారిటీ కోసం ఫ్యాన్స్ ఆస‌క్తిగా ఎదురు చూస్తున్నారు. ఇకపోతే.. బిగ్ బాస్ సామ్రాట్ గుర్తుండే ఉంటాడు కదా.. అతని సోదరి ఈ శిల్పా రెడ్డి. ఈమెకు ఫ్యాషన్ డిజైనర్ చాలా మంచి గుర్తింపు ఉంది. చాలా మంది సెలబ్రెటీలకు ఆమె దుస్తులు డిజైన్ చేస్తూ ఉంటారు.
మోడల్‌గా, న్యూట్రిషనిస్ట్‌గా, ఫ్యాషన్ డిజైనర్‌గా తనకంటూ ఓ గుర్తింపు తెచ్చుకున్న శిల్పారెడ్డికి ఇప్పుడు కరోనా వైరస్ సోకింది. రెండు వారాల క్రితం ఓ ఫ్యామిలీ ఫ్రెండ్ శిల్పా రెడ్డి ఇంటికి వచ్చారు. ఆ తర్వాత ఐదు రోజులకు తనకు, తన భర్తకు కరోనా పాజిటివ్‌గా తేలినట్లు ఆమె వెల్లడించారు. అయితే తమలో కరోనా లక్షణాలేవి కనిపించలేదని పేర్కొన్నారు. పాజిటివ్‌గా తేలడంతో భర్త, ఆమె ఇంట్లోనే క్వారంటైన్‌లో ఉండి చికిత్స తీసుక్నుట్లు వెల్లడించారు.
