వివరాల్లోకి వెళ్తే.. పూజా హెగ్డే ఇన్స్టాగ్రామ్ పేజ్‌లో సమంతపై చేసిన కామెంట్‌పై చర్చ సాగుతోంది. మజిలీ మూవీలోని సమంత స్క్రీన్ షాట్ చూపిస్తూ.. అందులో అంత అందంగా ఏం లేదని అలా ఉంటుందని కూడా తాను అనుకోవడం లేదని పూజా హెగ్డే ఇన్‌స్టాలో పోస్ట్ చేసింది. ఇది చూసిన తర్వాత సమంత అభిమానులు రెచ్చిపోయారు. ఆ ఫోటో తీసి ఏకేస్తున్నారు. #PoojaMustApologizeSamantha అనే హ్యాష్ ట్యాగ్‌తో వ్యతిరేకంగా వేలల్లో ట్వీట్లు చేస్తున్నారు.
పూజా వెంటనే అప్రమత్తయ్యారు. ఇన్స్టాగ్రామ్ అకౌంట్‌ హ్యాక్‌ అయిందని చెప్పారు. ''నా టెక్నికల్‌ టీం సహకారంతో అకౌంట్‌ను మళ్లీ మా చేతుల్లోకి తీసుకున్నాం. హ్యాక్‌ అయిన సమయంలో నా అకౌంట్‌ నుంచి ఏదైనా పోస్ట్ అయ్యుంటే పెద్దగా పట్టించుకోకండి'' అంటూ చెప్పారు. అయినా కూడా సమంతకు పూజా హెగ్డే క్షమాపణలు చెప్పాలని అభిమానులు డిమాండ్ చేస్తున్నారు.
