టాలీవుడ్ నుంచి బాలీవుడ్‌కు మకాం మార్చేసిన సమంత ప్రస్తుతం తన నటన ద్వారా అగ్ర హీరోయిన్లను బీట్ చేసింది. బాలీవుడ్‌పై పూర్తి స్థాయిలో ఫోకస్ చేసిన సమంత ముంబైలోనే ఎక్కువగా గడుపుతోంది. 'పుష్ప' సినిమాలో ఆమె చేసిన ఐటెం సాంగ్ 'ఊ అంటావా మామ'తో బాగా పాపులరైంది. ఈ క్రమంలో ఆమెకు ఉత్తరాదిన కూడా ఫ్యాన్ ఫాలోయింగ్ పెరిగిపోయింది.
ఓర్ మ్యాక్స్ సంస్థ వెల్లడించిన అత్యంత పాప్యులర్ పాన్ ఇండియా హీరోయిన్ల సర్వేలో అగ్ర స్థానంలో నిలిచింది. ఆ తర్వాతి స్థానాల్లో వరుసగా అలియాభట్, నయనతార, కాజల్ అగర్వాల్, దీపికా పదుకొణే, రష్మిక మందన్న, కీర్తి సురేశ్, కత్రినా కైఫ్, పూజా హెగ్డే, అనుష్క శెట్టి ఉన్నారు. సమంత ఇలా అగ్ర హీరోయిన్లను వెనక్కి నెట్టడం పట్ల ఆమె ఫ్యాన్స్ హర్షం వ్యక్తం చేస్తున్నారు.
