నేచురల్ స్టార్ నాని వ్యాఖ్యాతగా బిగ్‌బాస్ సీజన్-2 ప్రారంభమైంది. పనిలో పనిగా ఎలిమినేషన్‌ల పర్వం కూడా మొదలైంది. ఆదివారం (జూన్-17)న జరిగిన ఎపిసోడ్‌లో సంజన ఎలిమినేట్ అయ్యారు. ఇతర కంటెస్టెంట్లతో దూకుడుగా వ్యహరిస్తూ బిగ్ బాస్ హౌస్‌లోకి అడుగుపెట్టిన రోజు నుంచి కాంట్రవర్శీలకు సంజనా కేరాఫ్ అడ్రస్‌గా మారారు. దీంతో బిగ్ బాస్ కుటుంబ సభ్యులు తొలి వారం ఎలిమినేషన్‌‌కు సంజనాను నామినేట్ చేశారు.
ఓటింగ్‌‌లో ఆడియన్స్ నుంచి కూడా ఓట్లు తక్కువగా రావడంతో సంజనా హౌస్ నుండి బయటకు వచ్చేశారు. హౌస్ నుంచి బయటకు వచ్చే సమయంలో తేజస్వి, బాబు గోగినేనిలపై విమర్శలు చేశారు సంజనా. బాబుగోగినేని బయటకి కనిపించేంత మంచి వ్యక్తి బాబుగోగినేని కాదని తెలిపారు. తేజస్వి పక్క వారితో ఎలా ఉండాలో నేర్చుకోవాలన్నారు. ఇక సంజన బిగ్ బాంబ్‌ను కూడా బాబు గోగినేనిపై ప్రయోగించారు.
