టాలీవుడ్ ప్రిన్స్, సూపర్ స్టార్ మహేష్ బాబు హీరోగా ఆయన కెరీర్ 26వ సినిమాగా తెరకెక్కుతున్న తాజా సినిమా సరిలేరు నీకెవ్వరు. ఈ సినిమా నుంచి ఇప్పటికే మూడు పాటలు వచ్చేశాయి. ఈ చిత్రంలో మహేష్ బాబు తన ఎంటైర్ కెరీర్‌లో తొలిసారిగా ఒక ఆర్మీ మేజర్‌గా నటిస్తున్నారు.
తాజాగా ఈ సినిమా నుండి టైటిల్ ట్రాక్‌ని కాసేపటి క్రితం యూట్యూబ్‌లో రిలీజ్ చేసింది సినిమా యూనిట్. ఆర్మీ జవానుల గొప్పతనాన్ని, త్యాగ నిరతిని చాటిచెప్పే విధంగా ఎంతో అత్యద్భుతంగా పాట సాగిందని పలువురు శ్రోతలు ఈ పాటపై ప్రశంసలు కురిపిస్తున్నారు.
ప్రముఖ గాయకుడు శంకర్ మహదేవన్ ఆలపించిన ఈ సాంగ్‌కు రామ జోగయ్య శాస్త్రి హృద్యమైన సాహిత్యాన్ని అందించగా, దేవిశ్రీప్రసాద్ అదిరిపోయే మంచి ట్యూన్ ని అందించడం జరిగింది. ఇక ప్రస్తుతం ఈ సాంగ్ యూట్యూబ్‌లో మంచి వ్యూస్‌తో దూసుకుపోతోంది.
