సినిమా మీద పిచ్చితో స్కూల్ లైఫ్ సినిమా తీస్తున్నా: హీరో కమ్ డైరెక్టర్ మహేష్

Clap by Kiran Abbavaram

పులివెందుల మహేష్ హీరోగా నటిస్తూ, దర్శకత్యం వహిస్తున్న చిత్రం స్కూల్ లైఫ్. సావిత్రి కృష్ణ హీరోయిన్ గా నైనీషా క్రియేషన్స్,  క్రౌడ్ ఫండింగ్ సంయుక్తంగా నైనీషా, రాహుల్ త్రిశూల్ నిర్మాతలుగా నిర్మిస్తున్న సినిమా. ఈ సినిమాకి సంబంధించిన పూజా కార్యక్రమం ఘనంగా నిర్వహించారు. ఈ కార్యక్రమానికి ముఖ్య అతిథులుగా హీరో కిరణ్ అబ్బవరం, దర్శకుడు వి సముద్ర హాజరై అభినందనలు తెలియజేశారు.

పులివెందుల మహేష్ మాట్లాడుతూ, సినిమా మీద ఉన్న ఇష్టంతో సినిమా కథ నచ్చి క్రౌడ్ ఫండింగ్ ద్వారా వచ్చిన ప్రజల డబ్బుతో అలాగే నా ఇల్లు అమ్మి ఈ సినిమా తీస్తున్నాను. ప్రేక్షకులు సినిమాలో కంటెంట్ ఉంటే కచ్చితంగా సక్సెస్ చేస్తారు అని నమ్ముతాను. సినిమా ద్వారా చాలామందికి ఎంప్లాయిమెంట్ కూడా దొరుకుతుంది. అంతేకాకుండా వచ్చిన బడ్జెట్ సరిపోనప్పుడు కథ నచ్చి నన్ను  నమ్మి సపోర్ట్ చేసి ఇన్వెస్ట్ చేసి ఈరోజు రామానాయుడు స్టూడియోలో మూవీ ఓపెనింగ్ ప్రెస్ మీట్ పెట్టే స్థాయికి తీసుకువచ్చిన నిర్మాత రాహుల్ త్రిశూల్ కి కృతజ్ఞతలు. కష్ట సమయంలో వచ్చి సపోర్ట్ ఇచ్చిన రాహుల్ త్రిశూల్ ఈ సినిమాకి నిర్మాతగా ఉండడం చాలా ఆనందంగా ఉంది. 100% సినిమా సక్సెస్ అవుతుంది అన్నారు.

నిర్మాత రాహుల్ త్రిశూల్  మాట్లాడుతూ : గతంలో నేను రాంగోపాల్ వర్మ సినిమా కథని ఓటిటి కి చేశాను.  యాంకర్ రవి హీరోగా రాయలసీమ ప్రేమ కథ అని రెండు సినిమాలు నిర్మించాను. నిర్మాతగా ఇది నాకు మూడవ సినిమా. మహేష్ నాకు రాయలసీమ ప్రేమ కథ అప్పుడు పరిచయం. ఈ సినిమా గురించి మహేష్  చెప్పినప్పుడు కథ నచ్చి ఈ సినిమాలో ఇన్వెస్ట్ చేసి నేను కూడా ఒక భాగమయ్యాను. ప్రేక్షకులు ఎప్పుడు మంచి కంటెంట్ ఉన్న సినిమాని ఆదరిస్తారు. ఈ సినిమా కూడా ఆదరించి సక్సెస్ చేయాలి అని కోరుకుంటున్నాను. ఈ సినిమా రెగ్యులర్ షూట్ ఆగస్టు 2nd స్టార్ట్ అయ్యి సెప్టెంబర్ 2md వరకు సింగిల్ షెడ్యూల్లో కంప్లీట్ చేస్తున్నాం. అదేవిధంగా బిజీగా ఉండి కూడా అడగగానే సపోర్ట్ ఇవ్వడానికి వచ్చిన హీరో కిరణ్ అబ్బవరం గారికి దర్శకుడు సముద్ర గారికి ప్రత్యేకంగా కృతజ్ఞతలు తెలియజేసుకుంటున్నాను అన్నారు.

దర్శకుడు సముద్ర మాట్లాడుతూ : ఈ సినిమా ఓపెనింగ్ కార్యక్రమానికి నన్ను ఆహ్వానించినందుకు మహేష్ కి రాహుల్ త్రిశూల్ కి ధన్యవాదాలు. రాయలసీమ నుంచి వచ్చిన ఎంతోమంది సక్సెస్ అయ్యారు అదేవిధంగా మహేష్ కూడా హీరోగా దర్శకుడుగా సక్సెస్ అవ్వాలి అని కోరుకుంటున్నాను. గతంలో 5 సినిమాలు హీరోగా చేశాడు. ఇప్పుడు క్రౌడ్ ఫండింగ్ ద్వారా వచ్చిన డబ్బుతో మరియు రాహుల్ త్రిశూల్ నిర్మాత వస్తున్న ఈ స్కూల్ లైఫ్ సినిమా పెద్ద సక్సెస్ అవ్వాలని ప్రేక్షకుల విజయంగా నిలవాలని మనస్పూర్తిగా కోరుకుంటున్నాను అన్నారు.

నటుడు రామ్ మాట్లాడుతూ : నేను గతంలో ఏపీ 04 రామాపురం అనే సినిమాలో నటించాను. ఇప్పుడు స్కూల్ లైఫ్ సినిమాలో ఒక మంచి లీడ్ రోల్ లో నటిస్తున్నాను. మహేష్ గారు ఈ సినిమా కథ చెప్పగానే నచ్చి చేయడానికి ఒప్పుకున్నాను. ఈ సినిమాలో నాకు మంచి రోల్ ఇచ్చినందుకు మహేష్ గారికి కృతజ్ఞతలు. మమ్మల్ని సపోర్ట్ చేయడానికి వచ్చిన హీరో కిరణ్ అబ్బవరం గారికి దర్శకుడు సముద్ర గారికి ప్రత్యేకంగా కృతజ్ఞతలు తెలియజేసుకుంటున్నాను అన్నారు.

హీరోయిన్ సావిత్రి కృష్ణ మాట్లాడుతూ : ఈ సినిమాలో నాకు ఇంత మంచి అవకాశం ఇచ్చిన మహేష్ గారికి కృతజ్ఞతలు. చిన్న సినిమా పెద్ద సినిమా అని ఏం లేదు. ఈ రోజుల్లో సినిమాలకి కంటెంట్ ఇంపార్టెంట్. అలాంటి ఒక మంచి కంటెంట్ ఉన్న సినిమా స్కూల్ లైఫ్. కచ్చితంగా ఈ సినిమా పెద్ద సక్సెస్ అవుతుంది. ఈవెంట్ కొచ్చి మమ్మల్ని సపోర్ట్ చేసిన హీరో కిరణ్ అపవరం గారికి దర్శకుడు సముద్ర గారికి కృతజ్ఞతలు అని అన్నారు.