సినీ నటి జయసుధ భర్త నితిన్ కపూర్ ముంబైలోని తన నివాసంలో ఆత్మహత్యకు పాల్పడ్డారు. ఆయన తన స్వగృహంలోనే ఆత్మహత్య చేసుకున్నారు. ఆయన మృతికి కారణం తీవ్రమైన మానసిక ఒత్తిడేనని చెపుతున్నారు. గత ఏడాదిన్నరగా ఆయన ఒత్తిడికి గురై దానికి చికిత్స కూడా తీసుకుంటున్నట్లు సమాచారం. కాగా కపూర్ మరణ వార్త విన్నవెంటనే జయసుధ హైదరాబాద్ నుంచి ముంబై బయలుదేరి వెళ్లారు.
1985లో జయసుధను నితిన్ కపూర్ ప్రేమ వివాహం చేసుకున్నారు. నితిన్ కపూర్ ప్రముఖ బాలీవుడ్ నటుడు జితేంద్రకు వరసకు సోదరుడు. అప్పట్లో తనకు దర్శకత్వంపై ఇష్టం వుందని జితేంద్రకు చెప్పడంతో ఆయన నితిన్ కపూర్‌ను దాసరి నారాయణరావు వద్ద అసిస్టెంట్ డైరెక్టరుగా చేర్పించారు. ఆ సమయంలోనే జయసుధను ప్రేమించి పెళ్లి చేసుకున్నాడు నితిన్ కపూర్.
