తన తండ్రి, సినీ హీరో డాక్టర్ రాజశేఖర్ కారు ప్రమాదానికి గురైన విషయంపై రాజశేఖర్ కుమార్తె శివాత్మిక స్పందించారు. తన తండ్రి కారు ప్రమాదానికి లోనైన మాట నిజమేనని స్పష్టం చేసింది. అయితే, అదృష్టవశాత్తు ఎలాంటి ప్రమాదం జరగలేదని వెల్లడించింది.
'నాన్న ప్రమాదానికి గురైన విషయం నిజం. అయితే నాన్న అదృష్టవశాత్తు ఎలాంటి గాయాలు లేకుండా ప్రమాదం నుంచి బయటపడ్డారు. నాన్న బాగున్నారు. మీ అందరి ప్రేమకు, నాన్న త్వరగా కోలుకోవాలన్న మీ ప్రార్థనలకు కృతజ్ఞతలు' అంటూ శివాత్మిక ట్వీట్ చేశారు.
