పవర్ స్టార్ పవన్ కల్యాణ్‌ను ఉద్దేశించే సినీ నటి పూనమ్ కౌర్ ఓ ట్వీట్ చేసిందని సోషల్ మీడియాలో ప్రచారం సాగుతోంది. ప్రస్తుతం ఈ షాకింగ్ ట్వీట్ నెట్టింటిని షేక్ చేస్తోంది. 'ఓ అబద్ధాలకోరు రాజకీయ నాయకుడు కాగలడు కానీ, లీడర్ మాత్రం కాలేడు' అంటూ ఆమె చేసిన ఆమె ఎవరి పేరు ప్రస్తావించలేదు. జస్ట్ ఏ థాట్ ఓ చిన్న ఆలోచన అని మాత్రమే పేర్కొంది. అయినా ఈ ట్వీట్ పవన్‌ను ఉద్దేశించిందేనని టాక్ వస్తోంది.
అయితే ఈ ట్విట్ పవన్‌ను పరోక్షంగా దెబ్బ తీయడానికి పెట్టిందా అన్న సందేహాలు రావడమే కాకుండా ఈ ట్విట్ వెనుక ఎవరి రాజకీయ హస్తం ఉంది అన్న సందేహాలు కలుగుతున్నాయి. రామ్ గోపాల్ వర్మ ఈ మధ్య పవన్‌ను పోలిన పాత్రను తన 'కమ్మరాజ్యంలో కడప రెడ్లు' మూవీలో పెట్టి కామెడీ చేసిన పరిస్థితులలో దీనికి తోడుగా పూనమ్ కౌర్ ట్వీట్ వచ్చి చేరడం సంచలనంగా మారింది.
