మలయాళ నటి భావన కిడ్నాప్, కార్లో ఆమెపై లైంగిక వేధింపుల ఘటన దేశ వ్యాప్తంగా సంచలనం సృష్టించిన సంగతి తెలిసిందే. పల్సర్ సుని అనే గ్యాంగ్ భావనను కిడ్నాప్ చేసిందని పోలీసుల విచారణలో తేలింది. అయితే భావన తాజాగా ఇచ్చిన ఓ ఇంటర్వ్యూలో తన కిడ్నాప్ వ్యవహారాన్ని నడిపింది ఓ మహిళ అంటూ తెలిపింది. పల్సర్ సుని గ్యాంగ్ తనను కిడ్నాప్ చేసి కార్లో తనను వేధిస్తున్న సమయంలో క్రమం తప్పకుండా సునికి ఫోన్ కాల్స్ వచ్చాయని.. అతడికి ఎప్పటికకప్పుడు ఆదేశాలిస్తూ ఈ వ్యవహారాన్ని నడిపింది ఓ మహిళ అని తెలిపింది.
సుని మాటల్ని బట్టి అవతల ఉన్నది ఓ మహిళ అనే విషయం స్పష్టంగా అర్థమైందని భావన తెలిపింది. కానీ ఆ మహిళ ఎవరో తాను చెప్పలేకపోతున్నానని.. పోలీసులే ఆ విషయాన్ని బయటికి తీయాలని భావన పేర్కొంది. తనపై జరిగిన కుట్ర వెనుక చాలామంది పెద్దల హస్తం వుందని.. కేసును తాను తేలిగ్గా వదలనని.. ధైర్యంగా పోరాడుతానని భావన చెప్పుకొచ్చింది. అయితే భావన కిడ్నాప్ వ్యవహారంలో కీలక పాత్ర పోషించిన ఆ మహిళ ఎవరా అనేది ప్రస్తుతం చర్చనీయాంశమైంది.
