తేజ దర్శకత్వంలో రూపుదిద్దుకునే సినిమాలో హీరోయిన్ దొరకడం కష్టమైపోయింది. తమన్నా, కాజల్ అగర్వాల్ ఈ సినిమా ఛాన్సును వదులుకున్నట్లు తెలిసింది. సీనియర్ హీరోతో నటించేందుకు వాళ్లిద్దరూ ఇష్టపడలేదని వార్తలొచ్చాయి.
అయితే వెంకీ సరసన నటించేందుకు శ్రియ గ్రీన్ సిగ్నల్ ఇచ్చింది. గాయత్రి ద్వారా హిట్ టాక్‌కు సొంతం చేసుకున్న శ్రియ.. తాజాగా తేజ, వెంకటేష్ కాంబోలో తెరకెక్కుతున్న సినిమాలో నటించేందుకు సుముఖత వ్యక్తం చేసింది. దీంతో ఈ సినిమా రెగ్యులర్ షూటింగ్ త్వరలో ప్రారంభం కానుంది.
ఈ చిత్రానికి ''ఆటా నాదే వేటా నాదే'' అనే టైటిల్‌ను పరిశీలిస్తున్నారు. కానీ ఈ సినిమాలో అదితీరావును హీరోయిన్‌గా తీసుకుందామనుకున్నారు. కానీ పాత్ర పరంగా శ్రియనే ఎంచుకున్నారు. గతంలో వెంకటేష్, శ్రియ కలిసి సుభాష్ చంద్రబోస్, గోపాల గోపాల సినిమాలు చేశారు.
